傳媒報道
【親子好去處】家福會 X 白紙市集 X Oh…little sweet – 「Homeland」家庭市集
(親子王國 2022-05-20 9:25:00)「Homeland」，我們的「家園」，即係香港。
Homeland=Home + Land，「Homeland」亦代表香港係一個載滿咗無數家庭嘅小島，喺呢個小島上，每位都努力尋找屬於自己家庭嘅幸福。面對近年社會發展﹑家庭結構轉型﹑疫情﹑社會變化等等嘅轉變，我哋可以點樣喺呢個小島尋找「轉變中的家庭幸福」？
作為「家福月」嘅重頭戲，由香港家庭福利會（家福會）主辦，聯乘白紙市集嘅「Homeland」家庭市集將於今個月21及22號同大家見面啦！今次搵嚟網絡人氣插畫師Oh...little sweet作大會設計，又以「轉變中的家庭幸福」為主題畫出一系列令人聯想到家庭幸福嘅作品，靠住充滿家庭歡樂嘅設計同埋六大場區嘅活動內容，希望大家嚟到呢個市集都會感受到暖暖嘅幸福感。我哋嘅「家福月」大使岑珈其都會喺5月21號同大家見面，喺中午12點半嘅開幕禮分享維持家庭幸福嘅心得同埋做一陣店主㗎！
